EN
LA PLASA DEL MUZEO ARKIOLÓGIKI DE ATHENA
La
plasa.
El
park.
El
sol.
La
solombra.
El
frío.
Sola
asentada
en la kaza del kafé, pensando,
en
las patadas ke desha el tiempo,
en
la alma de la tierra,
en
los kántaros gigantes,
en
las estatuas de metal,
en
las karas trensadas de mármaro i piedra
de
Athena, Kreta, Mikenis i más.
La
sivdad se intchó de ruidos.
Las
palombas fiestavan en la plasa.
El
sol karesó mi kara
kon
alas de kalor.
Una
mujer vestida de preto
kaminava
a pasos de vejés
komo
kresiendo del pasado.
Un
pero ravioso asigió a las palombas blankas.
Me
aserkí del vendedor de kastanias
ke
pregonava la golor i la sabor.
En
mi memoria suvió
la
dulse vos de mi madre
ke
me akompaniava
komo
un mirador…
Un
punto se kuajó
en el tiempo.
en el tiempo.
Nota:
preto: negro.
No hay comentarios:
Publicar un comentario